Ọ̀rọ̀Yorùbá: EWÌ (ÌKÍNNÍ)

IKÚ TÍ YÓÒ PAMÍ

- Ayọ̀ọlá ọmọ Fádèyí

Ikú tí yóò pamí,kìí ṣe ti Ẹ̀bólà
Ikú tí yóò pamí, kìí ṣe tòṣì
Ikú tí yóò pamí, kìí ṣe ti ‘HIV’
Ikú tí yóò pamí, kìí ṣe t’ọfà
Ìgbà tí mi ò kọhùn Ọlọ́run
.
Ikú tí yóò pa ọmọ Ádámọ̀
Ń bẹ lára rẹ
Ń bẹ ní gbègbèri rẹ
Èmi ò ní báwọn kú pipìpi bí adìyẹ
Ikú akọni ni n ó kùú
.
Bí wọ́n pé ọgbọ̀n kú, n ò ní sí nínú wọn
Bí wọ́n pé ẹgbẹ̀rún kú, n ò ní sí láàrín- ín wọn
Ẹ̀ẹ̀kan n l’ọ́kan ni n ó kú Ikú kan, ọkùnrin kan
Ọ̀nà ọ̀fun, kọ́ ni ọ̀nà ọ̀run t’èmi
.
K’ákú sí ogun ṣàgbà kí wọ́n múni l’ẹ́rú
Ọba yóò kú, ẹrú rẹ̀ yóò r’ọ̀run
Ọ̀nà ikú yóò gbà l’óṣe ọ̀tọ̀ọ̀tọ̀
Ẹrú tí ò kú, á sin olówó rẹ̀ kú
Ìwọ̀fà tí ò rọ̀run, á sin olówó rẹ̀ kú
.
Ikú tí yóò pamí, ìṣòdodo
Ikú tí yóò pamí,
Ẹ̀sìn Ọlọ́run Ikú tí yóò pamí, ikú ire
Ikú tí yóò pamí,
Ẹ̀sìn Àláfíà Àìkú s’ógun mi, iná laa lẹ́yìn ọ̀tá
.

------------------------------------------------
Gbogbo àṣẹ lórí àtẹ̀ jáde yii jẹ́ ti oroyoruba.blogspot.com

#AyF™ ©2016

11.9.16

EWÌ (ÌKÍNNÍ)

No comments:

Post a Comment