Ọ̀rọ̀Yorùbá: ÀRÒKỌ

Ọ̀FỌ̀ ṢẸ̀ WÁ NÍNÚ ẸBÍ

oroyoruba.blogspot.com.ng

Mo mọ àbúrò bàbá mi tí mo fẹ́ sọ̀rọ̀ nípa rẹ̀ yìí dáradára. Ó jẹ́ onínúrere, ó sì máa ń bá àwa ọmọdé ṣeré púpọ̀. Bí ó bá wa tí à ń ta òkòtó, yóò bá wa ta á; bí à ń ṣe bojúbojú, á bá wa ṣe é; à ní bí ó ṣe taní-wà- nínú ọgbà náa ni à ń ṣe, yóò bọ́ sínú ọgbs̀ bí ẹni wí pé ẹgbẹ́ ni wá. Bẹ́ẹ̀ sìni sánmọ̀ jìnnà sílẹ̀. Bí à ń sọ itàn, yóò sọ ìtàn òmìrán tí ó dùn ju tiwa lọ. Ẹnu rẹ̀ dùn púpọ̀. Tí ó bá sọ ìtàn ìjàpá, tí ó fi oyin sí i, tí olúwa rẹ̀ bá ti gbọ́ ìtàn náà ní ogún ìgbà, ń ṣe ni ó màa dàbí ẹni pé ìtàn titun ni! Ó jẹ́ eléré àwàdà tí ó mọ ohun tí ó máa ń wu ọmọdé, tí ó sì máa ń mú inú ọmọdé dùn.
.

Kí n tilẹ̀ sọ òtítọ́, inu wa máa ń dùn nígbà kigbà tí ó bá wá lọ. Bàbá wa pàápàá kị̀ í bá wa ṣeré tó ti àbúrò rẹ̀ yìí. Nígbà kan, mo gbọ́ tí ba[ɓ ́ mi ń bá a wí pé eré, àwàdà àti yẹ̀yé ni ó máa fi gbogbo ọjọ́-ayé rẹ̀ ṣe, àti pé ní ọjọ wo ni ó máa huwà àgbàlagbà. Ṣé bí a bá dàgbà tán, à yéé ṣorò bí èwe!
Ní ti àwà ọmọdé- ilé, ènìyàn pàtàkì ni ó jẹ́ fún wa, a sì ní ìfẹ́ rẹ̀ lọ́pọ̀lọpọ̀. À ń retí rẹ̀ kí ó wá báwa ṣeré ọjọ́ Sátidé tí ìṣẹ̀lẹ̀ ńlá ṣẹlẹ̀ yìí títí di alẹ́. A bi ìyá wa pé a kò tíì rí bàbá wa kékeré l’ọ́jọ́ náà, àti pé a kò mọ kín ni ó ṣe é. Bẹ́ẹ̀ kì í ṣe aláì- má- wǎ ní ọjọ́ Satídé.
.

Nígbà tí ó di ọjọ́ Ọ̀sẹ̀ ni ìyá wa ní tí a bá ń bọ̀ láti ilé- ìsìn, kí a yà ní ilè rẹ̀, kí a wádĩ kín ni ó ṣe é tí a kò fi rí ní àná, tí a kò sì tún fi rí i ní ilé- ìsìn. Kí a sá ní òun ni mo fi gbogbo àsìkò ṣọ́ láti wò ó bí ó bá wá sí ilé-ìsìn l’ọ́jọ́ náà lọ́hǔ. N kò rí i títí ìsìn fi dé òpin.
.

Nígbà tí a yà ní ilé rẹ̀, ìyàwó rẹ̀ ní ìrọ̀lẹ́ àná ni inú kan tí ń dà á láàmú, tí kò gbádùn. Nígbà tí ó di òru tí kò í tíì rí àlàáfíà ni wọ́n ṣe ìpínnu láti gbé e lọ sí ilé ìwòsàn ní kùtùkùtù ọjọ́ kejì. Kí a má fa ọ̀rọ̀ gùn, òun ìyàwó sì ti yà ní ilé wa láti sọ fún bàbá mi pé ó fẹ́ si àbúrò rẹ̀, ó sì ti lọ sí ilé- oníwòsàn, ṣùgbọ́n òun kò bá wọn nílé.
.

Àwa pàápàá délé, ṣùgbọ́n ìyá mi àti bàbá mi kò sí ní ilé; wọ́n ti lọ sí ilé- ìsìn mǐràn tí wọ́n pè wọ́n sí. Wọ́n tó dé, wọn kò dé, a retí, retí, wọn kò dé. Óńjẹ ọ̀sán tó jẹ, a ò mà rí wọn o. A wá óńjẹ jẹ, ṣùgbọ́n t’ìjayà t’ìjayà ni. Ẹ̀gbọ́n mi ní kí èmi máa tọ́jú àwọn àbúrò wa, kí òun tún padà lọ sí ilé àbúrò baba mi yìí láti lọ wo àwọn òbí wa. Kò pẹ́ púpọ̀, ó padà dé, ó ní kò sí ẹnìyàn kankan ní ilé títí kan ọmọ- ọ̀dọ̀ wọn. Èyí yà wá lẹ́nu ṣùgbọ́n kínni ọmọ ọdún mẹ́sǎn àti mọ́kànlá lè ṣe ju èyí tí a ti ṣe lọ! A dúró à ń wò, à ń retí, ṣùgbọ́n ọ̀sán tún pọ́n, ó fẹ́rẹ di ìrọ̀lẹ́ kí bàbá àti ìyá wa tó wọlé. N ò rí kí ojú bàbá mi pọ́n, kí ó sì rẹ̀wẹ̀sí báyìí rí. Agbára kákáni ó fi kí wa pé a kú ile.
.

-Ìyábọ̀

oroyoruba.blogspot.com.ng

9.10.16

ÀRÒKỌ

No comments:

Post a Comment