Ọ̀rọ̀Yorùbá: ORIN

ESKEKẸNKẸ ÀYÌNDÉ(1)

- Odòlayé Àrẹ̀mú

AwúsùbìLáàyì
Mínàṣàìtọ́nì Rọ̀jíími
Bísímìláàyi Aramọ́ọ́ni Rọhíìmì
.

Àti wálé ayé ọjọ́
Ìbà lọ́wọ́ rẹ
Odòlayé ni ń wí ìbà yìí o
.

Àti wọ̀ oòrùn
Ìbà lọ́wọ́ rẹ
.

Àáfà tó yàn, tó yan jú
Tínú ẹ̀ mọ́, tó ya wòólì
Ìbà lọ́wọ́ ẹ̀yin o
.

Ẹ̀yin tẹ́ ẹ layé
Ìbà lọ́wọ́ ẹ̀yin o
.

Ẹ̀yin ọmọ kéèkèèké tẹ́ ẹ ṣẹ̀ lẹ́yìn wa
Ìbà lọ́wọ́ ẹ̀yin o
.

Kini ‘ǹfààní ẹni tóní ọwọ́ ayé ò le tẹ òun
Tí ń janu, tí ń ṣagbaja, tí ń tún minu
Àkámarà èé jẹ́bẹ̀
.

Ìgbà tí ayé bá ṣe èèyán tán
Wọn á sì dárò bọnu
Tí ayé bá ṣe èèyán tán, wọn a l’ódò rè é gbétí lé
.

Ṣé kí n máa lọ, ṣé kòsí nǹkan?

Ègbè: Wọ́n ní kòsí ǹkankan
.

Mo ríbà ‘i’ ríbá, mo ríbà dagbaro
Ẹbọra lágbó ẹgẹ, Ọ̀bá di méji; a gbẹwọ̀n gbẹ̀gẹ̀dẹ̀
.

Pẹ̀lẹ́ bí ẹ gbóhùn àríri, abínú fọhùn bí ènìyàn
Mo ríbà ‘i’ ríbá, mo ríbà ìyá mi oo
Ajíbọ́lá ẹdan
Ìyá mi ẹdọ̀ ọrọ oo
Ọ̀rọ̀ tí ń gbénú ilédì tí ń kùn yùnmùyùnmù
.

Ní alẹ́ yìí, ìbà lọ́wọ́ Ajíbọ́lá
Ará ìlú ète, ará ilú eédú
.

Ọlọ́ṣùn ún tẹ́rẹ́, abirù tínrín
Bóbá dú lójú, a dú lénu
Aájò lápá ìsàlẹ̀ woyìwoyì
Afínjú Àdàbà tí ń jẹ́ láàrín ín òrófo
Afinjú ẹyẹ tí ń jẹ ní gbangban ilé ọba
.

Àákú ayé ò bá o
Aa
Àákú ayé ò bá o, ilẹ̀ ló tún tẹ̀yin ṣe
Ọmọ aláya ọba, èyí tí ń ṣàǹfàni nínú ilédì, ọmọ àgbàgbà ìmùlẹ̀
Afínjú ońmùlẹ̀ tí ń so kùtúkùtú mọ́wọ́
.

Ẹ má wò ó óóó
Ẹ̀yin ọ̀dàlè ènìyàn
Ṣòkè ṣodò
Ẹlẹ́nu mẹ́rin-dín-lógún
Agbọ́ yìí sọ̀ yìí; Asọ̀lú kọ̀lú
Kẹ́ni mánǐ; Wèrè; Dìgbòlugi
.

Ẹ má debi a ò pèyín o
Ẹ ò gbọdọ̀ wo o, ojú ò gbọdọ̀ ri
.

Ẹ ò wá wo ọmọ inú ọgbà bí wọ́n ti ń ṣe
Àwọn ọmọ Àbẹ̀ní, ọmọ Oótù Ifẹ̀
.

Ní alẹ́ yìí, ìbà lọ́wọ́ Dángbọ́ngbọ́n baba kóko
Erù ọgbọ̀n gandàn, baba Ìlosùn
.

Aṣọ mẹ́rin-dín-lógún laṣọ Ṣọ̀npọ̀nná
Ọ̀kan lahún Ìlárá- Eskẹkẹnkẹ
Hájì kámaṣọ
Yínmíyínmí píṅkin
Ọgọgọlúmọlúmọ
Apẹran máwàkú, olókìkí òru
.

Ìbà lọ́wọ́ yín, atìdí mùjẹ̀ èèyàn
Ìyá mi, ọ̀rẹ́rẹ́ oo, ooooo, ooooo
Ati ojú j’orí oo
Ati ẹdọ̀ jọkàn
Ati òróǹró jẹ̀fun Ọ̀gàlàǹta
Ajẹran òró òó
Ajẹ ẹ̀dọ̀ èèyàn mabì
Ẹ̀yin lẹ kọ́mi lódù, tẹ sìnmí wálé ayé
Tẹ́ẹ sọ pé ilé ayé tí mo wá, orin ni kí n máa kọ, kí n máa fi jẹun
.

Èkó náà la wàyìí
Olú Nàíjíríà gan la wàyìí
Muṣin la wàyìí
Ọ̀dọ Ẹskẹkẹnkẹ la wàyìí
Ọ̀dọ ọmọ Ààmádù la wàyìí
Ọ̀dọ̀ Àyìndé la wàyìí
Ọ̀dọ Kìnìún Ojúwóyè la wàyìí
Ọ̀dọ Ìyàndá ọmọ Àdísátù la wàyìí
Ọ̀dọ Akódúdú la wàyìí
Ẹ dákun, ẹ má jẹ̀ kí tọwọ́ ó bọ́
-----

Ó ń tẹ̀ síwájú

4.11.16

ORIN

1 comment: